حبيبة

اولا كل سنة و انتم طيبين

بمناسبة رمضان اللي فات و العيد الصغير اللي فات و العيد الكبير اللي النهارة اخر يوم فيه

اولا محدش اغتال مدام كعبولة

محدش يقدر يغتالها لأنها ببساطة شديدة جدا موجودة جوة معظم المتزوجات

ثانيا لأن كاتبة مدام كعبولة من فصيلة كريمة كراملة كرامتها فوق يعني اللي يدوسلها علي طرف تقلبه من مكانه و ده تسبب في اني غيرت 3 وظايف في 9 شهور و ده رقم قياسي بصراحة

ثالثا و ده الاهم

ان الدنيا نورت بأجمل حبيبة في الدنيا

اللي عندها دلوقتي 3 شهور و اللي بهدلت ماتها في الحمل و الولادة اخر بهدلة بس مش مهم المهم انها جت رغم اني اتكعبلت بجد

يعني صحيان طول الليل و نوم متقطع بالنهار

بصراحة حياتي اتقلبت بدل مبقت قنبلة ذرية بقت موقع انفجار و محتاج اعادة ترميم انتظروني قريبا ان شاء الله بأحداث جديدة و كل سنة وانتم طيبين