امري لله........

امري لله

حلس ملس اصدي حلس و حلسة اعمل ايه يعني اتبري منهم؟؟؟؟

سوسو: ايوة كدة يا كعبولة استهدي بالله احنا مصدقنا انك هديتي ثم النرفزة بالشكل ده مش كويس علي الرضاعة ربنا يهديكي يا حبيبتي

كعبولة: اهيء اهيء منك لله يا محروس

سوسو: بس ياختي بس و الله حاسة بيكي بس تقولي ايه جهاز الاحساس عند الرجالة معطل .سد يا حبيبتي سد

باكينام هانم: كان مستخبيلنا فين ده كله و ارجع و اقول انتي السبب انتي اللي عملتي كدة في نفسك

كعبولة و هي مقطعة نفسها من العياط: بس يا ماما كفاية بدل مرمي نفسي من الشباك دلوقتي

سوسو: معلش يا ابلتي استهدي بالله احنا مصدقنا هديناها

باكينام هانم:ابلتي!!!!

وفي دماغها: هو الراجل ملحوس ده كل اللي حوال بيئة حتي جيرانه يخرب بيتك يا مهروس

كعبولة : اقول ايه لزمايلي في الشغل .اوري وشي للناس ازاااااااااي..يخرب بيتك يا متعوس

*******************************************

دخلت كعبولة شقتها و شايلة حلسة علي دراعها و ابنها علي دراع الست سوسو و البواب شايل شنطة هدومها اما باكينام هانم شايلة شنطة ايدها بس (بصراحة كتر خيرها طيب كويس انها قدرت تشيل شنطة ايدها من باب الرياضة اليومية برده)

بصت كعبولة علي البيت المقلوب حاله (طبعا مهي بقالها اسبوع محجوزة في المستشفي فرصة ذهبية لمفعوص انه يمارس هواية الكركبة المنزلية) كبايات في كل حتة و قميص متكوم هنا و شراب يقرغ مرمي هناك ..بصت كعبولة كدة و كانت علي وشك العياط و الانهيار مرة اخري

باكينام هانم: اهدي اهدي ..مايا جاية كمان شوية تنظفلك

سوسو: مايا دي تبقي مين؟؟؟

كعبولة : دي الهاوس كيبر بتاعت مامة

سوسو: هه؟؟؟ هوس ايه؟

كعبولة: مدبرة المنزل..زي كدة ريسة علي الخدم في البيت

سوسو:كمان ريسة

و تمصمص و تقول: حكم..

بعد 10 دقايق دخلت بنت شيك اوي لوحت بايدها كعبولة : هاي كي..هاو ار يو

سوسو: اهلا و سهلا يا حبيبتي البيت بيتك اتفضلي تشربي شاي و لا قهوة معلش لسة مجبناش الموغات و الشربات

الست: dont worry i got it

سوسو: انتي ياختي بقي تقربي ايه لكعبولة

الست: مي..نو. نو .نو..انا موش اقربلها انا مايا

سوسو: الهوس كوبر

مايا: ياا..الهاوس كيبر

سوسو: يا نهار مدوحس..دي ريسة الخدم عندكم يا كعبولة ..امال قرايبكم شكلهم ايه؟؟دي انظف من حماتك

كعبولة: يا ست سوسو.. بواب عمارتنا نفسه انظف من حماتي ..ارجوكي متجرحيش مايا بكلامك عن حماتي

مايا: يس..ذيس رابيش وومن

سوسو: ياختي انتي بتقولي ايه انا مش فاهمة حاجة

مايا: ارجوكي يا مدام..مش تتكلمي عن الست الفارجر دي..دي أن بليفابل

سوسو: يووووووووه ولا والله منا فاهمة حاجة

كعبولة: عديها دلوقتي و حفهمك بعدين

سوسو: ماشي يا كعبولة

كعبول: مايا انا حدخل اوضتي لحد متخلصي

مايا: اوكي..بس انا مش حقدر اقعد معاك كتير ..هم بس ساعتنين علشان خطيبي حيعدي عليا و نروح الكافيه

كعبولة: اوكي يا مايا

سوسو:كافيه!!!!!!!!!!

********************************************

جوة اوضة كعبولة..

سوسو: لا يا ست كعبولة..فهميني بقي ايه حكاية الست مايا دي

كعبولة : لا حكاية ولا حاجة

سوسو: يا بنتي دي شكلها بنت ناس اوي

كعبولة : بنت ناس اه بس لاسعة شوية

سوسو: ازاي يعني فهميني

كعبولة: بصي يا ستي ..مايا دي تبقي بنت صاحبة ماما

سوسو: ياعيني تلاقيهم اتفقروا يا حبة عيني و علشان كدة اشتغلت خدامه

كعبولة: اولا دي مش خدامة دي هاوس كيبر ..يعني مدبرة منزل و دي شغلها بيبقي اشرافي معظم الوقت مش بتشتغل بايدها كتير في البيت ثانيا اهلها متفقروش ولا حاجة ..ثم دي طالبة لسة في الجامعة

سوسو: لالالالا انا مش فاهمة حاجة..واحدة واخدة عليا كدة و فهميني

كعبولة: شوفي يا ستي

سوسو: ها

كعبولة: بقي يا سوسو مايا دي طول عمرها في مدارس اجنبي و متلحوس دماغها بحاجة اسمها الفكر الامريكي و الامريكان ستايل و الامريكان لايف..مبتتفرجش الا علي الانجليزي و مبتفكرش الا بالانجليزي و المراهقين يا ستي في امريكا بينزلوا سوق العمل من الصغر في مهن بسيطة يعني اللي يشتغل بياع جرايد و اللي تشتغل جليسة اطفال و كدة يعني فمايا قررت تبقي زيهم بس باسلوبها يعني و هي في اولي ثاتوي مثلا كانت بتجب حاجات من اللي الشباب بالجملة و تبعيها قطاعي زي الاستيكرز و الكروت و الدباديب و الحاجات دي و طبعا لما مديرة المدرسة اكتشفت اللي بيحصل ده و التجارة المدارة في المدرسة مسكتها عاقبتها و كانت حترفدها فابتدت مايا تفكر في اتجاه تاني و راحت اشتغلت في محل وجبات سريعة بس طبعا لصغر سنها و دلعها الزايد خصوصا انها بنت ناس زيادة عن اللزوم بوظت حاجات كتير و طبعا اترفدت ..بس مش مايا اللي توقفها حاجات زي دي ..عملت في فيلتهم حضانة خاصة و كانت هي المشرفة عليها هي و الدادات بتوعها و طبعا كل الاطفال اللي كانوا بيجولها كانوا من ابناء اصدقاءهم و معارفهم و اخوات صاحبتها في المدرسة علشان متبقاش حاجة محتاجة تسجيل و الحاجات دي ووسط ده كله اكتشفت مايا ان دراية و علمها كانثي ضعيف جدا و خصوصا لما انشئت الحضانة و اكتشفت انها لو اتجوزت شاب من ابناء طبقتها بتوع مامي و بابي حيتفقروا بعد مدة قصيرة بعد ميصرف كل فلوس بابي ومامي و ووسط قلة فرص العمل و كمان لو اتجوزت واحد مكافح يبقي حتبقي شبهي كدة كعبولة مع الفقر و البهدلة و طلوع العين فقررت انها تبني مستقبلها بنفسها بس المرة دي بطريقة مصرية امريكية اولا هي كان حلمها تدخل الالسن انجليزي بس غيرته الي كلية مش عارفة اسمها ايه كدة بس للاقتصاد المنزلي علشان لمت تبقي ست بيت تبقي ست بيت عن حق و دراسة و طبعا و هي دلوقتي في سنة تالتة بس مايا كمان مضيعتش وقت خلت والدتي تستغني عن فكرة الشغالة الفلبينية و تستخدمها هي علشان تطبق اللي درسته عملي و بتديها مرتب اوفر من مرتب الفلبينية ب 200 جنيه بس برده بالنسية لهنا مرتب كبير مش صغير و عاملة مشروع هي و زميلاتها في الكلية للتريكو و الكروشيه و المشروع بيكبر شوية بشوية ووسط ده كله قابلت فتي احلامها محسن..طالب في كلية تربية رياضية بس زيها مبيضعيش وقته و معتمد علي نفسه مش علي اهله و بعد مكان كول عمره بطل في الجودو او التايكوندو او الكاراتيه مش فاكرة بصراحة هي رياضة عنيفة و خلاص شغال دلوقتي مساعد مدرب في نادي كبير في نفس الرياضة و كمان بيشتغل في بعض مراكز الشباب ده غير انه بيحلم يأسس جيم كبير لما يتخرج و عايزه يكون فيه كل الآلات الحديثة و عجبته مايا بفكرها التقدمي و كمان بيساعدها في اللي بتعمله و بيشجعها و علي فكرة الاتنين بيحوشوا علي يعملوا الجيم الكبير ده و هي كمان بتحلم بمدرسة لربات البيوت و مصنع ملابس....آآآآآآآآدي يا ستي كل الحكاية

سوسو: يااااااه ده الدنيا دي فيها حاجات عجيبه ..بس غريبة اوي انها متعملش الهوس كوبر ده في بيتها و غريبة برده ان مامتها توافق انها تشتغل كدة

كعبولة: اولا مايا محدش يقدر يقف امام رغبتها و طموحها في اي شيء كمان قالت لو مارسته في بيتها الكل حيحاول يريحها وهي مش عايزة كدة هي عايزة حد يحاسبها علي اللي هي بتعمله ثانيا والدتي تبقي انتيمة والدتها وولدتها قالت انها عند مامي احسن ما تفضحها برة

سوسو: جدهة البت مايا اوي

كعبولة : اوي..علي الاقل ضمنت انها مش حتخيب خيبتي

سوسو: طيب و دي ايه حكايتها مع حماتك

كعبولة: يا ستي حماتي اول مرة تزرونا في بيت ماما حبت تتأنعر عليها و تفهملها انها احسن منها ولما والدتي قامت تدافع عنها هزأتها حماتي و قلت أدبها قامت مايا راحت دالقة عليها الشوربة السخنة و طلعت تجري برة البيت قبل مطولها و من ساعتها مشافوش بعض حقنا للدماء

سوسو: صحيح ..يعني هي حتيجي علي مايا اللي مش حتنكوي بنارها..بس فين سبع البرومبة بتاعك

كعبولة: من ساعة الانهيار اللي جالي في المستشفي مشوفتش خلقته .و الدكتور قالي انه قاله مشوفوش الا في البيت علشان اعصابي

سوسو و هي بتضحك: ريح برده

و فجأة سمعوا صريخ مايا برة

سوسو : ايه في ايه

كعبولة : قومي نلحقها نشوف مالها

خرجت كعبولة و تلاقي مايا بتصرخ في مأروس و بتقوله: انت يا استاذ انت حاسب مش كدة انا مهدودة في البيت و انت تيجي تبهدلي الدنيا كدة في حاجة اسمها تسمح رجلك قبل متدخل من باب الروف انا حطاها بنفسي مش تيجي تبهدلي اللي عملته و تعبت فيه

محروس ببله : بقولك ايه ده بيتي انا اعمل فيه اللي يريحني

مايا بصريخ: مش ممكن كان فين مخها كوكي و هي بتتجوز رابش زيك

كعبولة بعياط: كان مسافر يا مايا

مايا: هو مين ده

كعبولة : مخي

محروس: بقي هي دي مايا اللي بهدلت امي

مايا بتعال : يس ..بس اشوفها تاني و ابهدلهالك تاني

محروس و كان عغلي وشك الانفجار و حيغلط فيها الا ان كعبولة لحقته : يعني مسألتش علي ملس و ملسة

محروس و كأنه كان ناسيهم وافتكرهم فجأة : حلس و حلسة اولادي هم فين؟؟؟؟

كعبولة : عندك في الاوضة لي ادخل شوفهم بشويش علشان ميصحوش

نسي محروس مايا و طلع يجري يشوف ولاده صحيح هو مليان بلاوي بس لأول مرة من يوم متجوزا تكتشف كعبولة انه بيحب الاطفال و خصوصا ولاده و دي طبعا ميزة رهيبة وسط مستنفع العيوب اللي ماليه

اتنهدت مايا وقالت: غريب بجد ربنا يعينك يا كعبولة

كعبولة: عندك حق ..امال فين ماما يا مايا

شاورت مايا علي حتة في اخر الروف و قالتها : اهه

راحت كعبولة علي امها ولاقتها ماسكة سجارة و سرحانة خالص

كعبولة: مالك يا ماما؟

بصطلها امها بسرحان: وقالتها شوفي يا كعبولة عايز اقولك علي كلام يمكن يكون غريب انه يطلع مني بس لازم اقوله

كعبولة بجدية: خير يا ماما

باكينام هانم: شوفي انا عايزاكي تمسكي اعصابك شوية مع جوزك..طالما اتجوزتيه يبقي امرنا لله حنعمل ايه ..حاولي انقاذ بقي ما يمكن انقاذه..اوعي تغلطي غلطتي و تدوري علي الطلاق..بالنسبة لك حيكون راحة بس بالنسبة لأولادك حتبقي اعاقة

كعبولة باتستغراب: اعاقة؟؟؟؟

باكينام: ايوة..اوعي تفتكري اني مكنتش بحس بيكي و انت بتعيطي طول الليل محتاجة والدك ..ولا نظرتك لابهات صحباتك اللي كان كلها حسرة ..اوعي تفتكريني مكنتش حاسة بيكي ..انا كنت عارفة كل حاجة و كنت بحاول اعوضك علي اد مقدر..لكن برده مقدرتش اديكي كل حاجة

كعبولة وهي بتحضنها: بالعكس يا امي كنتي احسن ام في الدنياو...

باكينام: لكن مقدرتش اعوضك الحرمان العاطفي اللي لعب عليه جوزك و خطف قلبك بيه و لغالك عقلك..انا السبب في كل اللي بيجرالك ده

كعبولة و هي بتعيط : يمكن يا امي تكون نفسيتي تعبت بس ده مش معناه انك قصرتي في حقي بالعكس..لكن هو نصيب مش اكتر

باكينام هانم: انتي عارفة ..جوزك ده رغم كل العيوب اللي فيه الا انه طيب اوي ..تصوري؟؟ الدكتور قالي انه كان عايز يعملك عملية تجميل بعد الولادة علشان نفسيتك متتعبش((يا عيني الدكتور ضحك عليها..آآآه لو تعرف الحقيقة)

كعبولة: بجد يا مامي بجد؟

باكينام : ايوة..يمكن الراجل ده فيه حاحات كويسة لسة مكتشفتيهاش حاولي تكتشفيها يا كعبولة خصوصا ان بينكم رابط قوي دلوقتي

كعبولة حاضر يا مامي

اهيء اهيء

لفت كعبولة و مامتها لقوا الست سوسو بتعيط

كعبولة: خير يا سوسو مالك؟؟

سوسو: اصل الكلام اللي قالته والدتك يقطع القلب

بصوا لبعض باستغراب و كأن كل واحدة بتقول ايه ده هي كانت واقفة تسمعنا؟؟؟

كعبولة: انتي واقفة هنا من امتي؟؟؟؟

سوسو: من ساعة راحة و اعاقة اهيء اهيء

كعبولة و هي بتضحك : خلاص يا ست سوسو متعيطيش انتهي فاصل النكد

وااااااااااااااااااااااااااااااء

كعبولة طلعت تجري علي صوت العياط : طيييييب لما اوريك يا محروس مش قلتلك متصحيهمش صبرك عليا ليلتك طين الليلة دي

سوسو و مايا في نفس واحد: حتعمل ايه دي؟؟

باكينام بتضحك : حتروح تكتشف الخير اللي في جوزها

لحظات الولادة السعيدة او التعيسة متفرقش كتير...

معلش قبل مكلمكم عن لحظات الولادة احب اديكم نبذة سريعة عن الحمل ايه هو احساسك لما تكون مقروف من كل حاجة حواليك لا طايق اكل ولا شرب و لبس و بشر ولا اي حاجة كل حاجة في الدنيا بتسببلك اعياء شديد و ميل للقيء ده ان محصلش قيء بالفعل اسمع عن ستات مكنوش بيخرجوا من الحمام اصلا من كتر القيء و مبتعملش اكل لأنها مش قادرة تشوفه و طبعا مبتسلمش من كلام سبع البرومبة بتاعها و ان كل الستات حوامل و كلهم شايفين شغل بيتهم اشمعني انتي .....و من الاخر كدة متصدقوش مفيييييييش واحدة في العالم تقدر تشوف شغل بيتها خصوصا الاربع شهور الاولي من الحمل لأنها بجد بتكون مقرووووووووووفة من عيشتها و اللي عايشين معاها و اللي بتشوفهم كلهم في ساعة واحدة

طيب بلاش الاربع شهور الاولي ندخل علي الاربع شهور اللي بعدهم او الخمسة ان مكنوش 3 شهور لو حب عيالها يطلعوا اولاد 7 و يتعوجوا علي الناس اللي ولاد تسعة

ايه يكون احساسم لو ربطوا في بطنك حجر وزنه 4 كيلو و في كل قدم من رجلينك حجرين تانييين كل واحد فيهم يزن 2 كيلو ها يا فالح حتقدر تتحرك من مكانك حتقدر تتنفس ما بالك بقي بالست اللي حاملة الحمل ده كله ان مكنش اكتر كمان و لازم تقوم بواجبات البيت كاملة منغير نقصان و الا تسمع كلام زي الرصاص و ياسلام سلم بقي لو الست دي بتشستغل كمان بتبقي عاملة بجد زي الجاموسة اللي مغميين عنينيها و بتلف تلف تلف لحد متدوخ و تقع و هي مش عارفة ليه

تصحي الصبح تحضر الفطار و الشاي للباشا (محدش يقولي بتحضر لنفسها..الست ممكن تستغني عن الاكل و الشرب في سبيل انها ترتاح 5 دقايق توفرهم تتعب فيهم لسعادة البيه) تنزل تشتغل و يطلع عينها في الشغل تتناقر مع ده و تتخانق مع ده و تفهم في ده و تعلم في ده و تروح البيت رجلها مش قادرة تشيلها خصوصا بعد متحولت لعربية نقل حمولة نص طن متحركة

و طبعا اول متدخل البيت تتفتحلها جعوووووووورة كبييرة ((فييييييين الاكل يا هانم انا شقيان و تعبان طول النهار و انتي مش حاسة بيا حراااااااام عليكي يعني اول مدخل البيت بدل ملاقيكي محضرة الاكل و متروشنة و مستنياني الاقي بتمثلي فيها المرض) طبعا ده علي اعتبار انها كانت عند الكوافير بتعمل باديكير ومانيكير و سشوار لا كان طالع عينها اكتر منه ولا حاجة

تقوم الست تسخن الاكل(مهي اكيد طابخاه من بالليل ده سلو المرأة العاملة) و تحط لسعادته و متصدق يخلص الاكل علشان تقوم تلم بسرعة و تغسل الاطباق و تحضر اكل لتاني يوم و تغسل الغسيل و تنشره و بعدها تلمه تكويه ده غير تنظيف الشقة للي مش حياخد اقل من 7 ساعات خصوصا لما دلوعة مامته يتنقل بين الغرف يكركب علي قد ميقدر علشان يخنقها زيادة ووسط الدربكة دي كلها تسمع جعووووووورة تانية (الشاااااااااااااااااااي فين الشاااااااااااي يا مدام) ده اكيد يقصد انها مدام واحد تاني

ترد عليه بكل براءة و تقوله : هو انت قلتلي حاجة و انا قلتلك لأ؟؟؟؟؟؟

هو: يا سلام يا هانم و هو من امتي انا مش بشرب شاي بعد الاكل ..الله يمسيكي بالخير يا ماما كانت تقوم قبل مخلص اكلي علشان قبل مقوم من علي السفرة تكون حطالي الشاي ..ولا يوم من ايامك يا امي

هي في دماغها : صبرني يارب

و قدامه: حاضر يا حبيبي من عيوني الاتنين

هو: بعد ايه يا هانم بعد ملطعتيني ده كله علشان اشرحلك امتي تحطيلي الشاي ..طب مش شارب انا رايح عند امي

هي بارتباك : طب ...طيب...

و متكلمش كلامها يكون لابس هدومه و في ثانية واحدة يكون خرج من باب الشقة وراح عند امه غريبة مع انه لما بتطلب حاجة لنفسها ولا بتقوله خرجني بياخد اكتر من 3 ساعات تحضير ااااااااااااااااه نصيب

و تعيش في دوامتها لوخدها لحد نص الليل ده لو لحقت تخلص كمان و تترمي علي السرير تعزف سيمفونية بتهوفن التاسعة

خخخخخخخخخخخخخخخخخخخخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخخخخخخخخخخخخخخخ

تخيلوا علي مدي تسع شهور كل البلاوي دي الست بتشوفها و علي فكرة كل ده بتتحملوا بصدر رحب جدا مش حبا في جوزها بس حبا في الكائن الجديد اللي حيشرف البيت قريب و تقعد تحلم و تحلم و تحلم حأكله ايه حلبسه ايه حدخله مدرسة ايه و كلية ايه و شكل عروسته

ايوة محدش يبصلي كدة ايوة بتفكر حتي في عروسته و شكلها و هي عجوزة و ابنها بيوطي يبوس ايدها و جايبلها هدية و يقولها ست الحبايب با حنانة انت

شوفتوا الجمال و تعيش الست في عالم الخيال اللي حيستمر لأكتر من 20 سنة لكن كل ده مع كعبولة اختلف خصوصا لما تحطمت احلامها علي صخرة ملحوس اصدي محروس و هولاكو كمان ازاي؟؟؟؟؟؟

تعااااااااالوا نشوف

***********************************************

بدأت كعبولة تفتح عينها ببطيء شديد مش حاسة بحاجة و زي متكون قطنة وقعت في جردل ماية خفيييييييفة خالص و كل اللي حواليها اصوات غريبة مش مفسرة منها اي حاجة خالص و شوية شوية ابتدت تسمع طراطيش كلام و تفسره واحدة واحدة

صوت غريب بيقول : اهيء اهيء بس تقوملي بنتي بالسلامة و الله لخرب بيتك يا مسوس اهيء اهيء

وصوت زئير يرج اركان الغرفة: نياااااااااااهو و هو كان عمل ايه يعني ده حقه المشروع

الصوت الغريب: و الله محفوتهالكم كان ايه اللي رماكي الرمية السودا دي

كعبولة ابتدت تفسر الاصوات و تفهم الحوار انه بين حماتها و مامتها و بعدين سمعت صوت جوزها بيقول بمنتهي السماجة: هيهيهي انا مش فاهم حدرتك زعلانة من ايه يا تنت ..طب ده حتي كوووووووووول خالص

مامتها: ده انت اللي كوووووووووووولد بيور انا عارفة جابتك من انهي ديب فريزر؟؟؟؟؟؟؟؟؟

كعبولة فتحت عينها و استرجعت شريط الذكريات في بيتها قبل ميغم عليها و ينقلوها المستشفي و اول حاجة عملتها صرخت جامد و قالت: يا ماااااااااااماااااااااااا ابعدي البني آدم ده عني مش طايقاه اهيء اهيء انا اتبهدلت خالص يا مامي

باكينام هانم: اهيء اهيء عارفة يا حبيبتي ..امال لو تعرفي المصيبة التانية اللي عملها

كعبولة و هي متوقعة كارثة : عمل ايه تاني يا ماما؟؟؟؟؟

باكينام: اهيء اهيء اهيء اهيء

كعبولة و قد هالها البكاء و علي وشك الانفجار: قوليييييييييليييييييييي فيه ايه يا ماما تاااااااانيييييييييييي

باكينام : اهيء سمي ولادك اسامي من ايام الملك خوفو

كعبولة مصعوقة: سماهم ايه؟؟؟؟؟؟؟

باكينام: حلس اهيء اهيء و حلسة

كعبولة بتبص بشرز لمحروس اللي ضحك ببلاهة شديدة و قالها: ده كان اقتراح مامي يا حبيبتي كانت عايزة تسميهم علي اسم ابوها الله يرحمه و انتي عارفاني ..هيهيهيهي..مقدرش ارفضلها طلب زي ده

كعبولة بتصرخ : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ

الدكتور دخل علي اثر صرخة كعبولة: ايه ناس فيه ايه

معبولة محدش هارف يسكتها:آآآآآآآآآآآآآآآآآآآآآآآآآآآآآآآآآآآ

الدكتور: يا ناس حدج يرد يقولي هو فيه ايه؟

كعبولة : آآآآآآآآآآآآآآآآآآآآآآآآآآآآآآآآآآآ

الدكتور بينادي علي ممرضة: يا زكية حقنة مهديء قوي بسررررررررررعة

كعبولة لسة بتصرخ: آآآآآآآآآآآآآآآآآآآآآآآآآآآآآآآآآآآآآآآآ

فاصل و نعوووووووووووووووود

حلس و حلسة

حلس و حلسة فلذات اكبادي

لكم ان تتخيلوا الفرق بينهم

هو نسخة طبق الاصل من ابوه شكله ناوي يسلك مسلك حماتي في الحياة(بس يارب محدش يدعي عليا لو كان بايدي كنت بعدته عن ابوه و حماتي بس اعمل اي)

انا حلسة حلستي فهي عجباني اوي طالعة لتيتة باكينام انيقة روشة طحن و كووووووووووووووووووووول ان صو كيوت

بيوتيفول

بس يارب متخيب خيبة باكينام و كعبولة و تلاقي لما تكبر بعد 20 سنة ان شاء الله واحد ابن حلال مش ابن هولاكو حفيد جانكيز خان

الحقيقة الاتنين دول ارتبطت بيهم قبل مشوفهم بس يوم مجبتهوهم اجاااااااااااااااركم الله

كان حتة يوم يتحط في التاريخ

كنت مهدودة و كالع عيني من تنظيف الشقة اصدي الأن رووووف جاردن بتاعي و كنت سعيدة جدا ان محموحتي حبيبي حيجي يلاقي الدنيا بتبرق خصوصا اني بقالي اكتر من شهر مش عارفة امد ايدي في اي حاجة بسبب طبعا آلام الحمل زودوا علي كدة صحتي الضعيفة لأن مرتبنا كان يدوووووووووب بيكفينا لا كنت بشوف دكتور ولا بجيب مقويات زي بقيت الحوامل لدرجة اني كنت خايفة في الاخر اولد علي ايد داية........ايه ايام

المهم

دخل سبع البرومبة من الباب تفحص و تمحص الأن روف جاردن ورفع حاجب من حواجبينه و قالي:خير هو حد جايلنا النهاردة

قلته :لأ ليه يا حبيبي

هو: امال اتشمللتي و نظفتي البيت كدة ليه..خير..مسلسل المياصة قرب علي الانتهاء؟؟؟

مياصة انا مياصة

انا: هي حصلت يا محروس انا غلطانة ..كان المفروض احدف حماتي بايد الهون لما قالت عليا الكلمة دي و لو ان ادبي و اخلاقي منعوني المرة اللي فاتت المرة دي مش حسكتلها مش كفاية انك سايبني محتاسة لوحدي مش عارفة اعمل حاجة و كمان حركتي بقت تقيلة و انت مش مقدر اهيء اهيء

هو: منا من يوم متجوزتك و حركتك تقيلة لو كانت امك علمتك الطبخ و شغل البيت مكنش ده بقي حالك

انا و قد اجتاحتني ثورة غضب: اولا اسمها مامتك امك دي عند الست والدتك مش عندي هنا

ثانيا: امي اعظم ست في الدنيا علي الاقل مخلصتش علي بابايا و سابته يشوف حاله بره وكفي الله المؤمنين القتال مش خدته لحم و موته عريان حتي منغير العظم و الدود مكنش لاقي حاجة ياكولها

محروس :هو انتي بتألسي علي امي طييييب لما اوريكي

انا :ايه ؟ حتعمل اييييييييييييييه يعني

بصلي من فوق لتحت وساب الروف

اهيء اهيء

ايه اللي جرالك يا محروستي مكنتش كدة قبل الجواز كنت قلبي كنت عقلي كنت بتسمعني و بتحتويني ايه اللي حصلك لو كنت اعرف انك مامتك بالشكل ده مكنتش اتجوزتك و فضلت بعدك عني بدل ما هي منغصة عيشتي كدة اهيء اهيء

فجأة اتفتح الباب افتكرته محروس مسحت دموعي بسرعة و عملت نفسي مفيش حاجة بس مطلعش محروس طلع الست سوسو جارتي اللي تحتيا

سوسو: ايه يا كيكو مالك ايه اللي حصلك؟؟؟؟؟ شكلك بتعيطي .عملك ايه ابن امه ده

انا: اهيء اهيء انتي عرفتي منين انه ابن امه اهيء اهيء

سوسو: يا حبيبتي اللي امه تشتم مراته قدامه ويسكلتها يبقي ابن امه و مطلع عين مراته .ده غير انه و هو نازل قابله سامح جوزي و التاني قعد يبرطم بكلام عن الستات اللي ملهاش رابط و انه رايح عند امه علشان يربيكي

انا : استني كدة ...لالا سمعيني تاني..قلتي اللي امه تشتم مراته ..هي شتمت امتي فيا قدامك

سوسو: ياختي اول زيارة ليكم بعد جوازكم لما قدمتلها شوكلاتة و مارونج لاسيه نزلت علي السلم و تشتم فيكي انتي و امك و تقول ان باكينام هانم معرفتش تربي المفروض تمسكي فيها تبات معاك و تطبخيلها كمان مش تضحكي عليها بشوية باصطا بايتة

انا مصعوقة: ايه باسطا دي؟ يعني ايه؟

سوسو: عيني عليكي يا بت الناس متعرفيش يعني ايه بصطا ..ييعني جاتو بس درجة تالتة من اللي بيحصطوه في علبة كارتون في افراح الشوادر

انا: يا نهارها مش فايت ده انا آآآآآآآآآآآآآآآآآآآآآآآى

سوسو مصعوقة: مالك يا حبيبتي

انا : ده انا حاخرب بيت آآآآآآآآآآآآآآآآي

سوسو: مالك مالك فيكي ايه

انا: ضهري آآآآآآآآآآآآآآآآآآآآآآآآآآآآ

سوسو: انتي بتولدي ولا ايه يا خرااااااااااااااااابيييييييييييي

انا و ماسكة ظهري: شكلي حول..آآآآآآآآآآآآآآآآآآآآآى

سوسو بتصرخ: الحقني يا ساااااااااااااااااااااااااامح

_______________________________________________

في المستشفي

الدكتور: ايه الجهل ده يعني ايه يا استاذ مدوتهاش لدكتور طول فترة الحمل ؟ ازاي مكنتوش بتابعوا حالتها كنت حتولدها ازاي حضرتك علي ايد داية؟؟؟

محروس: و الله يا دكتور كان نفسي بس جيرانه ربنا يسامحهم هم اللي جابوها هنا

الدكتور: جااااااااااااهل ..انت امثالك انقرضوا من زمان مراتك يا استاذ حامل في توأم و كان يلزمها متابعة و عناية اكثر من كدة حضرتك بالشكل ده كنت حتتسبب في موتها هي واولادك ...و احنا مضطرين دلوقتي نعملها قيصيرية

محروس بيلطم : يا نهاري كمان؟؟

الدكتور: ايوة كمان علشان تتربي و تبقي توديها لدكتور من اول الحمل مش ت...

محروس و هو بيصرخ: و مين قالك اني حخليها تخلف تاني مش كفاية خراب بيوت من جميع النواحي توأم و قيصرية لا الله يخليك كفاية عليا ..و يا ريت كمان لو فيها رزالة تشيلولها الرحم بالمرة اهو اضمن انها مش حتخلف تاني

الدكتور و هو بيشد شعره : حيوااااااااااااااان انت مكانك قفص الاسود ولا القرود..حسبي الله و نعم الوكيل

و دخل يجري علي اوضة العمليات

باكينام هانم جاية بتجري من اول المستشفي لآخرها و بتصرخ و تقول: اما خربت بيتك يا محروس ل....(ميصحش برده اقول اللي قالته بالحرف)

انت عايز تبهدلي بنتي يا فارجر يا بيئة ده انا محلتيش غيرها

و محروس طبعا دخل استخبي في اول اوضة قابلته مهو مش حمل دفع فلوس و عيلين و وواحدة تبهدله كمان

و هو مستخبي سمع صوت زئير ووحش بيصرخ في باكينام هانم ويقولها: نيااااااااااااو انتي بتشتمي في ابني نيااااهو انتي متعرفيش انا ممكن اعمل فيكي ايه

محروس مظأتت: امي جت امي جت هيييييييييه..ايوة كدة يااما يا هوكي و ريها الانياب

الا ان الدكتور خرج يصرخ في الكل

مش كدة يا ناس حرام عليكم محدش عارف يشتغل في المستشفي بسبببكم ايه في ايه و فين الاستاذ حلمووووس ده خليه يمضي علي اوراق المستشفي

هولاكو: حلموس ايه يا حلموس اسمه محروس محروووووووووس

الدكتور: محروس حلموس متعوس هو انا حتجوزه فييييييين هو الست مراته بتموت لازم نعملها العملية حالا

محروس اتصعق من الكلام و اضطر آسفا يخرجلهم علشان يلحق كعبولة صحيح انه ندم انه اتجوزها و ان بالنسبة له(محلاها عيشة الحرية) بس موت لالالا هو مش ندل للدرجة هو اقل من كدة بدرجتين بس

محروس: انا اهو يا دكتور هات الورق امضي عليه و ياريت تفكر في موضوع العميلة التانية اللي قلتلك عليها

الدكتور عطاله الورق يمضي و عينيه بتطق شرار : لا مفيش خدي امضي علي ده بس

باكينام هانم: عملية ايه؟

الدكتور: اصله عايز يعمل لبنتك عملية..............

فووووووووووووو

طار محروس من قدام الكل قبل ما باكينام هانم تعرف كان حيعمل في بتها ايه

فا صل و نعووووووووووووود

مامتشي

مين دي؟

مامتشي

باكينام هانم عزالدين عزيز ابو العز

سيدة من الطبقة الراقية (الراقية اوي) قررت تتنازل عن مستواها الاجتماعي و تتجوز واحد (فارجر)زيي كدة و كانت النتيجة

انا طبعا كعبولة

و كرهها لجمييييييييييييييييييع الرجال و ده شيء طبيعي بعد ما الندل(اصدي والدي يعني مع الاحتفاظ بالالقاب) تخلي عني و عنها وقرر الزواج باحدي ساقطات المجتمع(علي حد قولها)

طبعا نتيجة طبيعية جدا لكل واحدة تتجوز واحد بيئية خصوصا انها نضقته و هيأته و حمته و لبسته اللي عمره مكان يحلم بيه و عايشته في فيلا 3 ادوار (الله يرحم ايام مكنش لاقي سرير ينام عليه.برده علي حد قولها) و بعد مخلته نجم من نجوم المجتمع الراقي عطاها استمارة 6

اييييه دنيا

شوفوا هو انا علي أد ما اتذكر من ابويا كان شبه كدة محروس جوزي ازاي؟(توووووووووووووت توووووووووووت تش تش تش تش) افهموها بقي بس مكنش يجرؤ يخلي ماما تشوفه و الا كان اخد باللي في رجلها طبعا لأنه بيحب السجائر المحلي و مامتشي كانت بتجبره يشرب مستود او سيجار و طبعا هو ملوش في النظافة(برده علي حد قولها) علي عكس محموحتي اللي ميصدق ماما تشتريله مستور علشان تنظفه ياخدها و يقولها(ميرسي يا تنت ربنا يخليكي ليا)..بيئة بيئة اوي يعني

لكن وسط ده كله منكرش انها ربتني كويس و عطيتني نصايح غالية كان لازم استثمرها كويس لولا مراية الحب المعتوهة بتاعتي

و النصايح تتلخص في

قصصي ريش طيرك قبل مليوف علي غيرك(و لو انه مثل بيئة اوي و مش المفروض يصدر من باكينام هانم بس يلا ماشي الحال)

متستنيش لما يدبحلك القطة ادبحيها انتي الاول(و يا ليتني فعلتها اهو دبحها قبلي و ياعيني لسة دمها سايح علي الارض)

يا مآمنة للرجال يا مأمنة للماية في الغربال(وده شيء طبيعي ممن اعطاها جوزها صابونة)

و خليكي ست البيت و راجله(و دي بقي مش فاهماها لحد دلوقتي يعني المفروض اني البس فستان الصبح و احط شنب بعد الظهر ولا ايه بالظبط لو حد فاهم يفهمني يا ناس)

طبعا مامي مش بتزورني خالص انا دايما اللي بروحلها آكل اللحمة و الفراخ عندها(مش قلنا بنوفر تمنهم من اجل التووووووووت توووووووت)

و اكيد مستواها ميسمحلهاش انها تطلع الدور التاسع علي رجليها و تقعد في (أن- روف جاردن) اللي هي شقتي..سوري..اصدي سطوحي

و طبعا كل مشوفها مبتنساش تسم بدني بكلمتين علي منوال

ياواخد القرد علي ماله يروح المال و يفضل القرد علي حاله و يا واخد القرد منغير مال تبقي كارثة في وش العيال

اصدها يعني ان العيال كمان بيطلعوا قرود و ده طبعا مصيبة خصوصا اني شايفة حلس ابتدي يبقي شبه ابوه بالظبط

حلس مين؟؟؟؟

اه نسيت اقولكم حلس ده يبقي ابني البكري

بس الحمدلله يا جماعة حلسة طالعة لأمها

حلسة مين؟؟؟ لالالا انتوا جايين تهزروا

حلسة طبعا اخت حلس التوأم متقولوش اني قلت حلس البكري بتاعي وده معناه انه اكبر منها منا عارفة مهو اكبر من حلسة ب 3 دقايق بحالهم

شوفتوا؟ علشان تعرفوا ان مدام كعبولة مش اي حاجة و يوم مخلفت جابت توأم و حلفت و متخلف تاني بعدها

ليه؟؟؟؟؟؟

لالالا مش علشان تنظيم الاسرة و الكلام الفارغ ده

ده لأسباب اخري احكيهالكم بعدين في وقت الفراغ

بس المكان ده فقط من اجل مدام باكينام هانم

ارجوكم خدوا بالكم منها علشان دورها جاي قريب

و لنا عودة مع حلس ة حلسة

تاااااابعوناااااااااااااااااااااا

حمااااااتشي

كان فيه واحدة ست مخلصة علي 20 بنت

و ان دخلت حماتي من الباب الكل يهرب من الشباك

ابعد عن حماتي و غنيلها

كووووووول الامثلة دي طلعتها علي حماتي

يا جماعة مش غايظني الا حمايا الله يرحمه

ان كان مراية الحب عندي كان جالها تخلف فاكيد حمايا مكنش عنده مرايا

علشان لو كان عنده حتي لو كانت متخلفة كنت مستحيل تقبل بالست دي

يعني هو يتجوز هولاكو و يخلف محروس و يموت ويسيبهوملي لوحدي طيب بزمتكم ده كلام لو كان عايش كنت قلت ربنا ياخده بس اعمل ايه ده ميت و الميت متجوزش عليه الا الرحمة يلا بقي مش قلنا نصيب

احكيلكم ايه عن حماتي

احكيلكم عن عمارتها ال20 دور اللي مفيهاش حد ساكن غيرها

طبعا مهو اللي يجاور هولاكو ينكوي بناره ومحدش منكواش بنارها

اقولكم عن جارتها توتة اللي قطتها هربت من بلكونتها و نطت في مطبخ حماتي فخنقتها موتها و اتسببت في انهيار عصبي لمدام توتة و علي اثره عزلت من العمارة

ولا عن جارتها فتكات اللي كانت منمرة علي جوزها علشان تخطفه و لما ملقتش فايدة و معرفتش بتغريه بمالها اتبلت عليه و قالت انه حاول يغتصبها فاضطر آسفا انه يتجوزها بدل ميروح ورا الشمس(غبي مهو في الحالتين راح وراها بالفعل)

ويا عيني الست فتكات مستحملتش لمت عزالها و عيالها وراحت عند ابوها و هي بتصرخ و تقول(يارب من اعمالها سلط عليها...يارب احرقها هي و اللي يتشددلها.خدها يارب خدها و رجعلي جوزي ابو عيال..هدها يارب هي و امثالها)

و يا عيني يا عيني الراجل جوز فتكات مستحملش زي حمايا بالظبط و استلم استمارة 6 من الحياة

و علي اثره عزلت كل اسر العمارة خوفا علي حياتهم الاسرية و العائلية

بس يا جماعة بجد و بنظرة موضوعية اكيد حمايا ده كان راجل جبار مهو اللي يشتحمل هولاكه 7 سنين يجيب فيهم 6 عيال من هولاكه نفسه اكيد رجل جبار بغض النظر عن انه عياله الرجالة مازلوا عيال لحد دلوقتي و امهم بتتحكم فيهم و البنتين اللي خلفهم اقرب للحرباء منهم للبني آدمين بس و بجد راجل جبار 7 سنين ياراجل ده جوز فتكات مستحملش و مات بعد 6 شهور يعني مش كفاية اظهر هولاكو للبشرية لا ده كمان خلفلنا 6 مصايب آدمية من ذرية هولاكو الرهيبة

منك لله ...لالالا....قلنا متجوز علي الميت الا الرحمة

طيب سبكوا من جيرانها احكيلكم علي عم حسين الفكهاني لما بعتلها فاكهة و فتشت فيها لقت واحدة بايظة حدفته بطوبة من الدور العاشر بطحته و حرمته يعدي تاني في الشارع بتاعهم

طوبة في البلكونة؟؟؟؟

ايوة طوبة دي مخزنة في بلكونتها طوب آآآآآآآآآآد كدة

يعني بزمتكم لما حد ينرفزها في الشارع لسة حتركب اسانسير و تنزل تضربه و ترجع تركب الاسانسير و ترجع تاني شقتها

لاالالا عيب

من البلكونة و احدف الطوب و طاخخخخخخخخ بطحة في راس اللي تحت

اهي دي الستات ولا بلاش

اصدي الهولاكيين ولا بلاش

كان مستخبيلي فين ده بس ياربي

اهيء اهيء

فااااااصل و نعوووووووود

محروووووووس

محروس و ما ادراك ما محروس

رجل متعوس

في الدنيا يحوس

و في قلبي يغوص

اقتلع عينه اقتلع كبده و لكن....

اوعي تقوله هات فلوس

اوعي تقوله هات فلوس

اوعي تقوله هات فلوس

محروس محروس محروس

زوجي العزيز ذو العيون الدبلي

و الله يا جماعة مش عارفة اكتب عنه ايه اكتب عن اخلاقه( اللي هي اندر اسكور)

و لا اكتب عن قوامه(اللي اندر اندر اسكور)

يوم متجوزته كان شبه القلم الرصاص الجديد المبري

وبعد متجوزته متقدرش تفرق بينه و بين المرأة الحامل في 12 شهر

والادهي انه مش بيزور الحمام الا مرتين في الاسبوع (توفيرا للمياة.و كهربة الحمام)

موس الحلاقة ميعرف خلقته الا مرة في الشهر علشان كدة بيستمر معاه لمدة سنتين

و طبعا كل ده بيوفر في الفلوس

بس اكيد مش عشاني ولا علشان ولاده

علشان السجاير

اه السجاير احنا نحرم نفسنا من اكل اللحمة و الخروج و الموبايل زي الناس علشان حضرته شره سجاير

لدرجة انك متقدرش تعدي من جنبه من كتر سحابة الدخان المحيطة بيه

ساعات بحس انه قطر ماشي بالفحم و شوية و هو ماشي حتسمع منه توووووووووووت تووووووووت تش تش تش تش

ايوة هو ده محروس

طيب بزمتكم مش اانا برده كنت عامية؟؟؟؟

بس اعمل ايه نصيبي و النصيب لما يصيب ما بيخيب

و مراية الحب ايه؟؟؟؟ظ اوعوا تقوله عامية لا دي مش عامية ...مراية الحب عندي كان عندها عته مغولي او تخلف عقلي من النوع المستعصي

ارجوكم بلاش عامية دي حتي الضرير يقدر يحس السخافة اللي بتشر منه الا انا

يخرب بيت دماغك يا كعبولة ...

اهيء اهيء

فاااااااااااصل ونعود

و مازالت تتذكر.....

كعبولة:اهيء اهيء بحبه يا ماما أاااااااااااااااا
الام : يا بنتي ..يا حبيبتي طيب انا راضية زمتك ده منظر راجل
كعبولة: ايوة راجل و سيد الرجالة كمان أاااااااااااااااا اهيء اهيء
الام: يا بنتي ..يا حبيبتي..طيب ده حتي فارجر خالص و لوو كلاس و لبسه بيئة اوي و انت بنت العز و اكل الوز مش حتستحملي العيشة الصعبة معاه
كعبولة: لا يا ماما حستحمل حستحمل ..انا كبيرة كفاية اني اتحمل مسؤلية تصرفاتي ..سبيني يا ماما اتجوز اللي قلبي اختاره اهيء اهيء أااااااا
الام: حبه برص.... يا بنتي..منا اتجوزت ابوكي عن حب بس كانت ايه النتيجة اديكي شوفتي عند اول واحدة دايرة علي حل شعرها سابني و هرب ..دول يا ماما صنف نمرود يوصله للي عايزينه و يرميكي علي ااقرب ناصية
كعبولة بدموعها اللي مش بتنشف : لا ياماما لأ..محموحتي غير الرجالة كلهم
الام: محموحتي مين
كعبولة: محموحتي يا ماما محموحتي..محروس يعني
الام: اه محموحتي و كيكو و تنت..بيئة بيئة يعني
كعبولة مليش دعوة أاااااااا اهيء اهيء
---------------------------------------
كعبولة في السطوح: اهيء اهيء يا ريتك يا امي مستسملمتيش لتهديداتي و اضرابي عن الاكل ياريتك سيبتيني اموت من العياط ياريتك جبتي سكينة و دبحتيني و لا كنتيش وافقتي علي الجوازة السودا دي اهيء اهيء آآآآآآآآآآآآآآآآآآآ

هو مين اللي كان بيقول--كنتي فين يا لأااا لما قلت الأه أه أه أه

اهو انا بقول كدة دلوقتي فين ايام زمان يا كوكا لما كنتي ملكة زمانك مش دلوقتي غسيل و طبيخ و كنيس و كنيش و عيل يوأوأ و راجل يزعق اهيء اهيء صحيح قليل البخت يلاقي العظم في الكرشة و انا كرشتي كان كلها عظم

ولا حماتي و أاااااااااه من حماتي اهي دي بقي اللي بجد و علي رأي مامي لووكلاس خالص و رابيش كمان
فاكرين ماري منبيب في حماتي قنبلة ذرية...لالالا بلاش قنبلة ذرية دي علشان الحبايب فاكرين حماتي ملاك و لا اعترافات زوج بس يا عيني يا عيني السينمائيين صوروا ام الست هي الكارثة مع ان العكس هو الصحيح خصوصا لما يكون الزوج متحكم في كل شيء و امه متحكمة فيه بحكم انه اخر العنقود و يتيم .... ايوة يتيم ابوه اتوفي و هو عنده سنتين و امه هي اللي شالت الحمل لوحدها
الله يرحمك يا حمايا دلوقتي بس عرفت انت مت بدري ليه طبعا مهو اللي يتجوز كارثة بشرية زي دي لازم يموت بدري بدري و ان مكتش جالك السكر و الضغط و جلطة في المخ قبل متموت تبقي اكيد مت بالسكتة القلبية و الدماغية في آن واحد مهو محدش يقدر يتجوز هولا كو حفيد جانكيز خان الا و لا لازم يموت بعد الفظائع و الجرائم اللي ارتكبها في اللي حواليه اكيد الراجل ده كان مكروه بالوحش اللي اتجوزه عمركم شوفته بشري مفيش حد علي وجه الكرة الارضية بيحبه (الا اولاده و بناته بس) اهي دي حماتي منغصة حياتي و مخرجة اهاتي و كارثة اوقاتي

اشوف فيك يوم يا محرووووووووووووووووووس

كعبولة تتذكر...

متحسبوش يا بنات ان الجواز راحة
و متزعلوش يا بنات ان قلنا بصراحة
ان الجواز عمره عمره مكان راحة


بصت كعبولة علي الكاست و حطت ايدها علي خدها و قالت : كنت فين يا بشوات ياللي بتغنوا قبل مقع وقعتي السودا

و مهما نتعب نقوووووووووول تعب الحبيب راحة

شدت كعبولة في شعرها وقالت: حبيب حبه برص و عشرة خرص اه يانا يا ما يا ريتني سمعت كلامك قبل متهف في نفوخي و اتجوز ياريتني رفعت شعار لا للرجال زيك انا كان مالي و مال الهم ده ياناس

قامت كعبولة طفت الجهاز و طلعت برة تتهوي شوية
ياه دي الدنيا ظلمة اوي هي الساعة كام دلوقتي
ياه 2 و نص هو ده الوقت الوحيد اللي ممكن اتمتع فيه بهدوء
بقي دي اخريتها يا كعبولة فين ايام مكنتي وحيدة امك بعد ما الندل ابوكي سابكم واتجوز واحدة تانية و كانت امك طول الوقت في الشغل و انتي في البيت لوحدك تعلبي بده و تشيلي ده و تحطي ده لاحد يقولك بتعملي ايه ولا ليه؟
كنت بنت روشة طحن مثقفة و مطلعة و ليكي كتب و قرآت كثيرة في الموضة و الميك-آب و مكتبتك مليانة كتب عن كيفية المحافظة علي الرشاقة و الغذاء الصحي و جمال البشرة

ااااه ايام وعدت عالفاضي علي ايه حنبكي علي الماضي
اللي حصل حصل يا حبيبتي تقبلي الواقع و امرك لله
--------------------------------
افتكرت محروس جوزها اللي قابلته و هو بتقدم علي وظيفة في شركته و اللي سحرها بعيونه الدبلي اللي كانت ظاهرة من تحت النظارة قعر الكباية اللي لابسها و افتكرته لما مد ايده يسلم عليها يعرفها بنفسه
محروس سعيد
كعبولة: انا الاسعد
محروس: هههه لا لا ده اسمي محروس سعيد مهندس الكمبيوتر بالشركة
كعبولة: اهلا بك
محروس: المدام موظفة جديدة هنا في الشركة
كعبولة بـأنعرة كدابة: مدام.. انت شايفني مدام..لا حضرتك انا آنسة ..الآنسة كعبولة ..و لسة مبقتش موظفة انا لسة بقدم لوظيفة السكرتيرة
محروس: هاها..ده من حسن حظ الشركة يا فندم ..معتقدش انهم حيعملوا لحضرتك اختبار كفاية رقتك و ذوقك الواضحة علشان تتعيني..تشرفنا يا آنسة
كعبولة في دماغها: دمه خفيف المضروب
كعبولة: ممكن بقي تسيب ايدي علشان اروح
محروس بعد ان لفت انتباهه انه مازل ممسكا يدها: اه اسف ده كارتي يا آنسة اي وقت تحتاجي اي حاجة انا في الخدمة ..سلام
سلمت عليه و مشيت كعبولة و غي دماغها عيونه الدبلي اللي سحراها يااه ده شكله شاب لطيف اوي
--------------------------

اه شاب لطيف اوي مكنتش اعرف انه جردل كآبة بيور مستنيني علشان بنكب عليا لوحدي كان فين نافوخك يا هانم انت بتتسحري بقط الصحراء اللي انتي متجوزاه ده
رجعت تاني تعصف بيها الذكريات
--------------
محروس ماسك ايدها علي شط النيل
مكنتش فاكر اني حاحبك بالشكل ده حياتي منغيرك كانت ولا حاجة يا كعبولة
كعبولة و هي ماسكة دموعها: انت اللي بتقول الكلام ده..انا اللي حياتي مكنش ليها طعم منغيرك .. انك عوضتني عن حنان الاب اللي ضاع مني و حنان الاخ اللي عمره مكان عندي و عرفتني طعم الحب
محروس و عينه كلها دموع: حبنيلك قصر عالي.. واخطف نجم الليالي
-----------------
اه نجم عالي اهيء اهيء
بصت وراها علي شقتها..اصدي العشة اللي محشورين فيها
ايوة مهو ملهاش اسم غير عشة مهو مفيش حد يسكن السطوح الا الفراخ......و كعبولة
يمكن علشان كدة قالها قصر عالي و هي اللي مفهمتش؟؟؟؟
غالبا هو ده اللي قصده مهو محروس ده راجل حويط مش سهل خالص زي ماكانت فاكرة
و رجعت تاني لشريط الذكريات
------------------

محروس:انا حكون اسعد واحد في الدنيا يا تنت لو وافقتي علي جوزاي من كيكو
الام: كيكو !!! و كيكو دي مين ان شاء الله
محروس: كعبولة يا تنت اصل انا بدلعها و اقولها كيكو
الام: ااااااااه كعبولة كيكو
وحطط رجل علي رجل وقالته: ماشي يا بتاع كيكو عندك شقة ؟؟؟
محروس : طبعا يا تنت
الام: ممتاز..المهر عايزاه 20 الف جنيه..و الشبكة من اكبر جواهرجي في القاهرة و متقلش عن 20برده تكون خاتم سوليتر علشان الشياكة و طبعا العفش اللي من باريس و النجف اللي من ايطاليا ده شيء مفروغ منه
محروس بهبل شديد: هه..بتقولي ايه يا تنت صحيح انا راجل متيسر لكن مش للدرجة دي
الام: يعني ايه يا استاذ مش عاجبك طيب معنديش بنات للجواز.. اتفضل برة

*****
فاصل و نعود

مقدمة مهمة جداااااااااااااااا

بسم الله الرحمن الرحيم

طبعا حضراتكم عارفني

انا مين؟؟؟؟؟

انا حياتي قنبلة ذرية ---معتقدش لحقتوا تنسوا

ان كانت المدونة الاولي بتتحدث عن الاحلام اللي حولتها لقصص قصيرة او مقالات مختصرة

فهذه المدونة لا تتحدث عني بالمرة و انما تتحدث عن المآسي الزوجية (مش المآسي بتاعتي) انا الحمدلله حياتي بلا مآسي و ان وجد فانا استطيع التعامل معها

انما صديقاتي المتزوجات وقعن في عرضي و توسلن الي توسل الابناء لأمهم من اجل ان تطفيء نار جوعهم بالطعام ان اقص رواية تحمل ما تراه كل واحدة منهم من مآسي لا يعلم عنها الرجال شيئا

كنت سأجعلها رواية من حلقات في مدونتي الاخري الا انني رأيت ان اقوم بعمل مدونة خاصة تحمل مذكرات لمدام كعبولة و تحمل جميع مآسي شابات هذا الزمان و صديقاتها بالطبع

و فيما بعد سأقوم بعمل ميل خاص بمدام كعبولة لتلقي المآسي الزوجية من السيدات و ادراجها بالمدونة كقصص منفردة

اه شيء اخير

لماذا مدام كعبولة.....لأن الزوجة عندما تتحول لزوجة و ام وامرأة عاملة و ربة منزل كل في آن واحد ولا تسطيع بالطبع ان توفي كل مسؤلياتها و تجدها كالجاموسة في الساقية او الفرخة المذبوحة الدايخة تتحول لحظتها تلك السيدة الي........


مدااااااام كعبولة